АНУ-ын Ерөнхийлөгч Дональд Трамп болон Оросын Ерөнхийлөгч Владимир Путин нар Украины эсрэг Оросын түрэмгийлэлтэй холбоотой асуудлаар дахин утсаар яриа өрнүүлжээ. Хоёр цаг үргэлжилсэн энэ ярианы дараа Дональд Трамп Орос болон Украины хооронд гал зогсоож, дайныг дуусгах чиглэлээр хэлэлцээ хийх гэж буйг мэдэгдсэн боловч тодорхой үр дүнд хүрээгүй байна. Тэрээр Ватикан хэлэлцээг зохион байгуулахад ихээхэн сонирхолтой байгааг онцолсон хэдий ч энэ талаар Ватиканаас албан ёсны тайлбар гараагүй байна.

Дональд Трампын тэмдэглэснээр, яриа хэлэлцээний уур амьсгал маш сайн байсан боловч аливаа тодорхой хэлэлцээрт хүрээгүй гэж мэдэгдэв. Тэрээр "Хэрэв энэ нь сайн байгаагүй бол одоо хэлэх байсан" гэж онцолсон байна. Трампын сонгуульд оролцох үедээ хурдан хугацаанд дайн дуусгахаа амласан учир тэрээр Владимир Путин болон Украины ерөнхийлөгч Володимир Зеленскиййг хэлэлцээр хийхийг шахамдуулсаар иржээ.

АНУ-ын Ерөнхийлөгчийн шаардаснаар Володимир Зеленский Америкийн 30 өдрийн гал зогсоох саналыг хүлээж авсан боловч Владимир Путин дараагийн утсаар ярихад энэ саналыг хүлээн аваагүй байна. Үүний улмаас хэлэлцээ хэрхэн үргэлжлэх талаар тодорхой мэдээлэл хараахан гараагүй байгаа ч Дональд Трамп Ватикан хэлэлцээг зохион байгуулж магадгүй гэдгийг онцолжээ. Пап лам Лео энэхүү энхийн хэлэлцээрийг урагшлуулахад тусалж чадах эсэхийг асуухад Дональд Трамп "Тийм" гэж хариулжээ.

Өнгөрсөн долоо хоногт Орос болон Украины албаныхан 2022 оноос хойш анх удаагаа Туркт шууд яриа хэлэлцээ хийсэн бөгөөд энэ нь олзлогдсон хүмүүсийг солилцох тохиролцоонд хүрсэн ч бусад тал дээр ахиц гарсангүй.