Хэдхэн жилийн өмнө дэлхий даяар алдартай болсон Harry Potter киноны цувралуудын шинэчилсэн хувилбар болох телевизийн цувралыг HBO хийхээр төлөвлөж байна. Үүнд гол дүрүүд болох Harry Potter, Hermione Granger, Ron Weasley нарын дүрүүдэд шинэ залуу жүжигчид тоглохоор сонгогдсон байна.

Энэ удаа Harry Potter-ын дүрд Dominic McLaughlin тоглох бол Hermione Granger-ийн дүрд Arabella Stanton, харин Ron Weasley-ийн дүрд Alastair Stout нар тоглохоор болсон байна. Цувралын нээлт 2026 онд хийгдэхээр төлөвлөгдөж байгаа бөгөөд бүх дэлхий даяар хүлээлттэй байгаа нь лавтай.

Үүнийг хийхдээ жүжигчдийн сонгон шалгаруулалтыг Lucy Bevan болон Emily Brockmann нарын удирдлага дор явуулсан байна. Хэдэн арван мянган хүүхдүүдээс онцгой авъяас чадвар бүхий эдгээр гурван жүжигчнийг сонгон шалгаруулсан нь гайхалтай үйл явдал болсон гэдгийг цувралын гүйцэтгэх продюсерууд Francesca Gardiner болон Mark Mylod нар онцолсон байна.

Энэ удаагийн шинэчлэлтээр зөвхөн залуу жүжигчид биш, мэргэжлийн туршлагатай жүжигчид ч багтсан байна. Агуу Albus Dumbledore-ийн дүрд John Lithgow сонгогдсон бол Severus Snape-ын дүрд Paapa Essiedu, Minerva McGonagall-ийн дүрд Janet McTeer, харин Rubeus Hagrid-ийн дүрд Nick Frost тоглохоор болсон байна.

Энэ шинэ цувралд бидний хайрладаг дүрүүд ямар байдлаар амилж, эдгээр жүжигчид хэрхэн дүрийг амьдруулахыг харах нь маш сонирхолтой байх болно. Хуучин цувралаас илүү үйл явдлын өрнөл, дүрүүдийн гүнзгийрэлт байгаа гэж найдаж байна.