Пакистан улс X сошиал платформ дээр байршуулсан мэдэгдэлдээ АНУ-ын Ерөнхийлөгч Дональд Трампыг 2026 онд Нобелийн энхтайвны шагналаар шагнах шаардлагатай гэжээ. Энэ шагналыг Трампын Энэтхэг, Пакистаны сүүлийн үеийн хямралын үеэр гаргасан шийдвэртэй дипломатын оролцоо, тэргүүн зэргийн удирдлагыг үнэлэх зорилгоор санал болгож буй юм.

Трамп нь энэ хямралыг намжаахад чухал үүрэг гүйцэтгэсэн гэдгээ удаа дараа ярьж байсан ч Энэтхэгийн эрх баригчид түүний энэ дүгнэлтийг маргаж байгаа юм. Трампын энэхүү санал нь 2025 оны 6-р сарын 20-нд түүнийг Нобелийн шагналын талаар асуухад гарч иржээ. Тэрбээр Нобелийн шагналыг авах ёстой олон шалтгаан байгаа гэдгийг онцлоод Энэтхэг, Пакистаны асуудалд хийсэн ажил болон Конго, Руандад дайнаа зогсоох гэрээ хийх талаар ярьжээ.

“Би 4-5 удаа энэ шагналыг авах ёстой байсан. Гэхдээ надад Нобелийн энхтайвны шагналыг өгөхгүй, учир нь тэд зөвхөн либерал хүмүүст өгдөг” гэж Трамп хэлсэн байна.