Израилийн нисэх хүчин Газын зурвас дахь хоёр эмнэлэг рүү агаарын цохилт хийж, Хамасын удирдагчийг хөнөөхийг оролдсон тухай мэдээлж байна. Энэхүү цохилтын улмаас хамгийн багадаа 18 хүн амь үрэгдэж, тэдний дунд алдартай Палестин сэтгүүлч байжээ.

Израилийн хэвлэл мэдээллээр Европын эмнэлэгт чиглэсэн агаарын цохилтын зорилго нь Газын зурвас дахь Хамасын удирдагч Мухаммед Синвар байсан гэж мэдээлсэн. Мухаммед Синвар нь хуучин удирдагч Яхъя Синварын дүү бөгөөд тэрээр өнгөрсөн жил Израилийн хүчний цохилтод өртөж нас барсан байна.

Газын Эрүүл мэндийн яамны мэдээлснээр, тус цохилтын үед эмнэлгийн хашаанд пуужин унаж, хамгийн багадаа 16 хүн амиа алдаж, 70 хүн шархадсан байна. Шархадсан хүмүүсийн дунд анхны тусламж үзүүлэхээр тэмцэж буй эмч нар ч байжээ.

Мөн тэр өдөр өөр нэг цохилт нь хан Юнис хотын Нассэр эмнэлгийн гурав дахь давхарыг онож, тус газарт хэвтэж байсан алдартай палестин сэтгүүлч Хассан Аслех амиа алдсан байна. Израйлийн тал Хассан Аслехыг 2023 оны аравдугаар сарын 7-нд Хамасын довтолгоонд оролцсон хэмээн буруутгажээ.

Эмч нарын байр руу хийсэн цохилт нь олон улсын хүмүүнлэгийн хуулиар хамгаалагдсан эмнэлэг рүү дайрсан явдал болж байгаа тул ихээхэн шүүмжлэлд өртөж байна. Хамас энэ эмнэлгийг ашиглаж байсан гэх мэдээлэлд итгэхгүй байгаагаа илэрхийлжээ.

Энэ үеэр Израилийн ерөнхий сайд Бенжамин Нетаньяху Газын зурваст хийх дайралтаа үргэлжлүүлнэ гэдгээ мэдэгдэж, маргааш нь АНУ-ын ерөнхийлөгч Долд Трампын дунд дорнод руу хийх аялалаа дуусгах хүртэл хүлээж байгаад цэргээ нэмж оруулахаар бэлдэж байгаагаа хэлсэн байна.

Дэлхийн Эрүүл Мэндийн Байгууллагаас (ДЭМБ) Газын зурваст өлсгөлөнгийн түвшин нэмэгдэж байгаа талаар анхааруулж, энэ үүссэн нөхцөл байдал нь "бүтэн нэг үеийнхэнд" нөлөөлж болзошгүйг дурджээ.

Израиль тус бүс рүү хангамж оруулахыг хориглосон бөгөөд үүний улмаас олон хүн өлсгөлөнтэй нүүр тулгарч байна. ДЭМБ-ын мэдээлснээр, хагас сая хүн өлсгөлөнгөөс болж аюултай байдалд орж буй юм. Израиль Хамасыг тусламжийг хулгайлж байна гэж буруутгаж, харин Хамас үүнийг няцааж байна.