Apple компани өнөөдөр WWDC 2025 хурлаар iPhone, iPad, Mac зэрэг төхөөрөмжүүдийн шинэ үйлдлийн системүүдийг зарлахад бэлэн байна. Энэхүү шум нь Apple-ийн үйлдлийн системүүдийн нэршилд томоохон өөрчлөлт оруулах тухай өмнө нь мэдээлэгдсэн байна. Тус компани энэ удаагийн хувилбаруудыг одоогийн жил дээр үндэслэн дугаарлах төлөвлөгөөтэй байгаа аж. Ингэснээр iPhone-ийн хамгийн сүүлийн үеийн программ хангамж нь iOS26 болж, түүнтэй адил iPadOS 26, macOS 26 гэх мэтээр нэрлэгдэх юм.

Энэ жилийн өөр нэгэн томоохон өөрчлөлт нь бүх Apple-ийн үйлдлийн системүүдийг илүү тунгалаг харагдуулах явдал юм. Үүний гол үндэс нь Vision Pro чихэвчний хэрэглэгчийн интерфэйсээс санаа авах явдал юм.

Apple-ийн шинэ UI өөрчлөлтүүд шинэ төхөөрөмжийн суурь болж байна: Bloomberg-ийн Марк Гурманы мэдээлснээр, шинэ интерфэйсийн элементүүдийг 'Liquid Glass' гэж нэрлэх бөгөөд шилэн гадаргуу мэт гялалзсан тунгалаг дүрслэлтэй байх гэнэ. Энэ алхам нь Apple-ийн үйлдлийн системүүдийг илүү нэгдмэл болгож, бүтээгдэхүүний шугам даяар адилхан харагдуулах зорилготой юм.

Шинэ UI өөрчлөлтүүд бүх Apple-ийн багажийн самбар, аппликейшн доторх интерфэйс болон хяналтуудыг тунгалаг, гялалзсан эффектүүдээр чимэх болно.

Гурман цааш нь Liquid Glass UI нь Apple-ийн шинэ техник хэрэгслийн нээлтэд суурь болох бөгөөд 2027 оны iPhone-г хоёр арван жилийн ойг тэмдэглэн шинэчилж гаргахаар төлөвлөж буйг тэмдэглэж байна.

Шинээр гарч ирэх төхөөрөмж нь шилэн концепцийг өргөжүүлж, бүх л утасны хажуугаар, бүр ирмэгүүд хүртэл муруйлттай шилэн хажууг агуулна гэдэгт итгэлтэй байна. Мөн дэлгэцэнд ямар ч нүхлэлгүй, тун нимгэн хүрээтэй байх тухай яригдаж байгаа юм.

2027 оны iPhone-ийг дотооддоо “Glasswing” гэж нэрлэж байгаа бөгөөд энэ нь тунгалаг далавчтай эрвээхэйгийн нэрээс сэдэвлэсэн юм.